كشفت الفنانة منى هلا أنه لا تريد أن تنجب أطفال كما تحدثت عن التحر@ش الذي يتعرض لها السيدات في مصر، وعن التفرقة العنرية بين الرجل والمرآة.

وأضافت: أنا لو صحيت الصبح وعايزة اسافر هعمل كده ولو في طفل مش هيبقى متاح بالنسبالي أعمل كده، وحريتي بالنسبالي أهم من تكوين أسرة والاولويات عند كل انسان بتبقى مختلفة وللاسف في ناس كتير مش بيبقى عندهم الحرية دي وبيهربوا من بيت أهلهم بالجواز.

منى هلا: التحر@ش في مصر زيادة والقانون بقى ياخد حقنا

وعن التحر@ش قالت هلا: التحرش موجود في العالم كله لكن هو زيادة عندنا هنا في مصر، وانا سعيدة ان مؤخرًا الناس بدات تتكلم والست لما يتم التحر@ش بيها بيجيلها تروما خصوصا ان لو عمل كده حد من قرايبها او رئيس العمل بتاعها.

واستكملت: الست بقت تتكلم حتى لو بتم تهددها من مديرها في الشغل او انها هتتفضح وانا بدعم كل الناس اللي بتتكلم عن التحرش ومبسوطة أن القانون بياخد حقنا من المتح@رشين.

منى هلا: بحب أخد حقي من اي حد ضايقني

وعن العنصرية بين الرجل والمرآة قالت: أنا ضد تقسيم الناس على ده رجل او ست وانا اتعرضت لشر في حياتي من راجل ومن ست بس أنا خدت حقي ومش بحب أسيب حقي، ولازم أننا ناخد حقنا من شخص لو ضايقنا وبعدها ممكن نرجع صحاب عادي

وكشفت: أنا بحب النضافة جدا في البيت ومفيش حد بيدخل عندي البيت بالجذمة ولو معايا حد مش نضيف مش هكمل جواز معاه، هي في مشاكل بسيطة بتؤدي للطلاق ولازم نتجوز حد نعرف نعيش معاه مش نحبه.
وقال: الناس بقت تهتم ان هي تنمي نفسها من بره زي الهدوم وعمليات التجميل ومش بيهتموا بنفسهم وتنمية شخصيتهم، وانا شخص مُقل في علاقاتي مع البشر ولما بختار حد من صحابي بيكون بعناية جدًا.

من البراءة للملابس الجريئة .. 10 صور تكشف التحول في إطلالات منى هلا

شاركت منى هلا في بطولة العديد من الأفلام والمسلسلات وفي بداية مشوارها الفني كان يسند لها المخرجون دور الفتاة البريئة بسبب إطلالاتها الهادئة والكلاسيكية ولكن خلال الفترة الأخيرة قررت منى هلا التمرد على نفسها .

وشهدت إطلالات منى هلا تحولا كبيرا ، حيث قررت أن تبرز انوثتها وتتميز إطلالاتها بالجراءة وأصبحت تنشر من خلال حساباتها على موقع إنستجرام صورا حديثة تكشف عن إطلالاتها الأنيقة والجريئة .

وتحدثت منى هلا عن علاقتها بالموضة في إحدى اللقاءات الصحفية وقالت :” ارتدي ما يتّسق مع شخصيتي وأسلوبي، وبالتأكيد تستوقفني بعض صيحات الموضة التي تظهر من وقت لآخر ” .

إليكم أبرز الصور التي تكشف إطلالات منى هلا ..