كشفت الفنانة دومينيك حوراني عن الطريقة التي تتعامل بها مع الرجل النكدي، وذلك خلال حوارها اليوم ببرنامج “أنا سعيد”، الذي يذاع على شاشة تلفزيون قناة “القاهرة والناس”.
تفاصيل تصريحات دومينيك حوراني في أنا سعيد حيث قالت دومينيك: “الراجل النكدي هدلعه وأبوسه وفي ثانية أخليه يفك، الراجل أصلا محتاج دلع وحنان وخلاص، الكتالوج بتاعه سهل جدا”.
تصريحات دومينيك حوراني في قعدة ستات
وفي وقت سابق، حلت الفنانة دومينيك حوراني، ضيفة على برنامج “قعدة ستات”، الذي تقدمه الإعلامية مروة ناجي على قناة القاهرة اليوم، والتي فجرت من خلاله مجموعة تصريحات جريئة لأول مرة.
تحدثت دومينيك حوراني عن علاقة الرجل بالمرأة، فقالت: مفيش راجل يستاهل ينام جنب مني ومش هسمحله اصلا.. والمفروض الزوج والزوجة كل واحد ينام في أوضة لوحده الموضوع بيضايق أما تبقى قاعدة جنب الراجل ليل ونهار وتسمعيه وهو بيشخر بالليل أو بيتكلم بصوت عالي.. ولو الست احتاجتله تبقى تبعتله رسالة بالموبايل.
تصريحات دومينيك حوراني لـ تحيا مصر
ومن ناحية أخرى، تحدثت الفنانة دومينيك حوراني عن السوشيال ميديا وطريقة تعاملها مع التعليقات السلبية، كما كشفت أنها تمارس دورها كأم ولا تهتم بالسوشيال ميديا والفن فقط.
وقالت دومينيكر: أنا مش بقرأ التعليقات والانتقادات السلبية اللي بتجيلي على السوشيال ميديا.
وتابعت: لكن في ناس بتبعتلي كلام حلو وبقراه وساعات برد عليهم وبنوصل لمرحلة صداقة، وفي ناس بتشجع الفنان وتتابعه من سنين طويلة معانا، وفي ود وعلاقة طويلة بينا.
وأضافت أنا عندي اكتر من 5 مليون شخص على فيسبوك اكيد مش للحق أرد على كل الناس على السوشيال ميديا.
دومينيك حوراني: «الرجل المصري عسل وبيعلي الست اللي معاه»
وقالت دومينيك حوراني: «الراجل المصري عسل، وبيقول كلام زي الفل، وهو بيعلي الست وبيرفع شأنها، وحبه ليها بيترجمه بمساعدتها، وبيوصلها للي هي عايزاه».
تابعت: «الرجل اتولد عشان يسعد الست اللي معاه، وهو يعطي حقوقها وبعدين يأخذ كل اللي هو عايزه، وبعدها مش هيشوف أي نكد خالص والرجل لازم يشوف الست عايزة إيه، ويرفع من مستوى حياتها،الرجل هو أساس البيت، ولابد أن يبادر بإسعاد زوجته، حتى يحصد الحب الذي يستحقه».
دومينيك تشهد عرض فيلم الحارة
وكانت دومينيك قد شهدت العرض الخاص لفيلم الحارة في مصر، والذي أقيم أمس في إحدى السينمات في الزمالك، وحرصت على دعم الفنان الاردني منذر رياحنة.
وقالت دومينيك: فيلم الحارة من بطولة منذر رياحنة أكيد هيبقى فيلم حلو جدًا وجيت أشجع منذر في عرض فيلمه في مصر بحكم الصداقة اللي بتجمعنا وأنا ومنذر رياحنة اشتغلنا مع بعض قبل كده وهو ممثل مهم جدًا وأعماله مميزة وناجحة وبتمناله التوفيق في اللي جاي.
وفي سياق آخر كانت طرحت دومنيك حورانى مؤخرا أحدث أغانيها بعنوان «خروفى»، من كلمات جميل بزي، ألحان الدكتور طوني عنقا.