وفاء عامر، قالت الفنانة وفاء عامر: “بغسل رجل زوجي لما بيرجع من بره البيت، وهو مبيطلبش ولكن لما ألاقيه تعبان ومحقق لي السعادة اللي نفسي فيها وعامل الحلم اللي أنا بحلم به، ورأيه صائب ومبيقبلش إن حد يجرحني ولا حد ياخد علي حقي ولا يدوس على كرامتي ولا حد يقلل من قيمتي، مفيش مشكلة أغسله رجله”.
رسالة وفاء عامر لجمعيات حقوق المرأة
وتابعت خلال تصريحات ببرنامج “القاهرة اليوم” المذاع على قناة “اليوم”: “الزوجة تعمل أي حاجة مع زوجها، وبتوع حقوق المرأة عاوزين يخربوا البيوت لو طالبوا الزوجة متخدمش زوجها ولا تسعد زوجها ولا تحافظ على استقرار بيتها وأسرتها”.
كرامة المرأة
وأضافت وفاء عامر: “بتوع حقوق المرأة في حاجات كتير زي الحفاظ على كرامة الست ومحدش يجرحها بكلمة ولا حد ياكل حقها ويبقواواقفين في ضهرها”.
طاعة الزوج
ولفتت: “كل الأديان السماوية حثت المرأة على طاعة زوجها في حدود الأخلاق والمعاملة الطيبة، بعيدا عن الندية والجدال والخلافات والمشاكل”.
في وقت سابق، قالت الفنانة وفاء عامر:”لو هنتج فيلم هيكون نفسي أجمع محمد هنيدي مع رامز جلال وعلاء مرسي وإسلام إبراهيم”.
دور تحلم به وفاء عامر
وأضافت خلال لقائها ببرنامج “اسألني” المذاع على قناة “سي بي سي”: “من حظي إني اشتغلت مع الزعيم عادل إمام، وأحب أجسد سميرة موسى عالمة الذرة علشان أكون جسدت شخصية الملكة والراقصة والفنانة تحية كاريوكا”.
شخصية الملكة نازلي
وتابعت: “من خلال معايشتي لشخصية الملكة نازلي هي كانت ظالمة ومظلومة ولو بحكم عليها اجد انها ظلمت الملك فاروق”.
حقيقة تفكير وفاء عامر في الاعتزال
وأكملت: “فكرت في الابتعاد خالص عن الوسط الفني مش قصة الاعتزال بس، بس لقيت ان رجلي، وأنا عندي حتة ساعات بصحي من النوم بقول ايه اللي جابني من الاسكندرية وليه بقيت ممثلة”.
ميزة المصريات
وتابعت: “مقدرش اغير حاجة في ستات مصر لإنهم اطعم حاجة في العالم تلقائيتهم حلوة هزارهم حلو خناقهم حلو شكلهم حلو وحاميين شطة، وصفة بتكرهها الستات في الرجالة عموما الكدب والبخل”.