فجرت المخرجة إيناس الدغيدي، تصريحات جرئية خلال حلولها ضيفة على برنامج حبر سري الذي تقدمه الإعلامية أسما إبراهيم عبر قناة القاهرة والناس الفضائية.
وقالت إيناس الدغيدي: الجمهور بيحب يشوف اللي ميقدرش يعمله في الحياة، عشان كدا بيحبوا المشاهد الساخنة، وكل النجوم اللي عملوا أفلام جريئة وفيها المشاهد دي كان عندهم شهرة أكتر من اللي معملوش.
وتابعت، اللي بيتشغل في الفن هو صعب جدا ومش بيحب أولاده يشتغلوا فيه عشان صعوبته وحساسيته وحكم الناس عليك وبتأخذ مواقف ولم أتمنى بنتي تشتغل في الفن.
وأضافت إيناس الدغيدي، الفن مش مهنة سهلة والفن مش حرام واللي بيحاسب عليه ربنا.
واستطردت إيناس الدغيدي، اللي يتكلم عن التلامس والكلام ده في الفن مخ وعقلية، واللي يحرم الفن ويرجع ناس مشوهة فكريا ومش عارفه عايزة ايه وكل واحد بيختار في الحياة بيبقى عايز ايه والناس تختار وتتحدى وتواجه يا متدخلش الفن من الأساس.
وكشفت عن موقها من التعاون مع حلا شيحة قائلة: أهلا وسهلا لو الدور بتاعها في الحدود والمفروض تعيش الحياة كما يجب أن تكون في الفن ولكن متمسكش العصاية من النص، وأنا مش بحب الجراءة ولكن أنا جريئة بطبيعة شخصيتي ومهنتي والدنيا والمهنة اللي خلتني جريئة.
وسبق وقالت إيناس الدغيدي: أنا مثيرة للجدل لأني صادقة، وللأسف اتعودنا أن الصدق والصراحة مش طبعنا ولازم نداري ونجامل ونخبي، ولما تتكلمي بصراحة الناس بتتخض ويقولوا دي مش حياتنا أو أسلوبنا، حتى أصحابي وأهلي بيقولولي متقوليش الحاجات دي في أحاديثك الإعلامية.
وتابعت، والمشكلة أني مش بفكر وبقول اللي بحس بيه واللي جوايا، ولا مش بحب أعرف اللي هيتم سؤالي فيه خلال البرامج وبحب أطرح أفكاري وأكون واضحة.
أكدت المخرجة إيناس الدغيدي، أن الرجال خائنون، والمجتمع يعطيهم هذا الحق، على خلاف المرأة، قائلة: “كل الرجالة خاينين، وعندهم حق المجتمع مديهولهم، وطبع الخيانة في الراجل أسرع بكثير من الست، والخيانة مش جواز”.
وأوضحت إيناس الدغيدي، خلال حوار ببرنامج “حبر سري”، مع الإعلامية أسما إبراهيم، على قناة القاهرة والناس، أن المجتمع يعطي للرجل الحق في الخيانة، مضيفة: “الراجل الخاين في المجتمع مش بيتحاسب حساب عسير، زي الست، والمجتمع بيعتبروا بطل، والست نفسها بيحبوا الراجل الشقي، وفي بعض الأحيان بيبقى عندها تحدي، توقع راجل ولكن قاعدة الخيانة في أغلبية الرجالة”.
وتابعت: “أنا شخصيا أرفض أعيش مع واحد يخوني ولكن في ستات ظروفها صعبة وفي ستات مرتبطة مادية بالراجل ده وفي المقابل بتأخذ حياة هي مش هتقدر تعشها وهي الست اللي تختار وكل واحد حسب طبيعته، واكيد تعرضت للخيانة قبل كده وممكن احس ويكون مش مهتم بيا، والواحد دائما بيحب يكون موجود في خيال الشخص اللى بيحبه”.